موقع فياضة _الشاعر سلطان الخياري
ياشايلن هم الليالي على شان
دعواك يالغالي ماهانت علينا
انا معك مهما يدورن الازمان
واللي يجيكم ياحياتي يجينا
الوقت هذا فيه تشتيت الاوطان
ياما ضحكنابه اوياما بكينا
عشرت عمر لكن ذا الوقت خوان
مايجمع الاحباب لو مانتهينا
لازان وقتي ثم بعدين مازان
يمكن يصير اللي معانا علينا
ياللي عشانك نزعل افلان وفلان
ونعطي ولكن كننا ماعطينا
انشهد ان الوقت ياصاحبي شان
كن المشاكل والبلاوي تبينا
لاترتجي وتقوللي فات الاوان
انا معك في كل صعبه وطينا
ببقى معك لو كان ياحب ماكان
اصلن معك بالحب توه بدينا
ورغم الظروف اللي تجينا من الان
هذي يدينك ماتفارق يدينا
تعليقات
إرسال تعليق