لعل ابن هزاع تسلم يمينه
خلف زبون الطيبه والمخاسير
امقابله يبري القلوب الحزينه
وخويه مع الدرب من حسبة مطير
عايش على العزه وكسب الثمينه
من نسل قومن ينطحون الطوابير
بني شطيط اهل السيوف السنينه
خصيمهم تذرا عليه المعاصير
مطران اهل خوه ونخوه متينه
حمر النواظر بالمراجل مشاهير
خلف خاويته مع جبال ودفينه
طيبه يزود ولاحصل منه تقصير
مسلي خويه في مزوح وسكينه
طلق الحجاج وخادمن للمناعير
.اخلاق وحميا عسى الله يعينه
دايم أضيوفه يم بيته مقاطير
وليامدحته مالحقني غبينه
الصدق يكفي عن جميع التقارير
قلته وانا ربعي جبالن حصينه
رشايده بنحور الاعدا مناشير
والمدح بالطيب شهاده مكينه
نور(ن)نعده للرجال المسافير
ولياجهلت الناس وسط المدينه
انشد وتلقا سمعة الشر والخير
تعليقات
إرسال تعليق