موقع فياضة _الشاعر حميد سليمان الرشيدي
الأولى
الشاعر اللي ماله اليوم مجناب
عن طرق باب المبهمه والحزينه
اللي تفك ابواب وتقفل ابواب
باب السجين الي خطيرن سجينه
حرٍ طليق احجاج له قدروحساب
كم له ورا باب الفكر حابسينه
له لاحتماالميقاف مخلب وله ناب
وله من تجاريب الليالي خزينه
اللي اليامنه زعل شتت احزاب
سيفن لوقفات الزمن ذاخرينه
عن ماقفه ماقد توانى ولاغاب
لو السهر بين على موق عينه
بينه وبين الشارده ود وعتاب
ولايقنص الا الشارده والثمينه
ياهاجسي منته بجاهل فالاسباب
خل السبايب للضلوع المتينه
اكفخ وخل العز الك دوم مرقاب
خل الوطى للي قصيره يدينه
الشاعرحميد سليمان
الثانية
سرها ياخال ماعاد باقلي جلوس
قبل اخربها مع الخبل ولا احوسها
مل وجهي ياعضيدي ضعيفين النفوس
الوجيه اللي من الكبر زمت روسها
ودك برجلك على مثل هالعالم تدوس
ناس ماتفهمك ياخال لين اتدوسها
بعض ناسن شفتهاتراس ماتقدرتروس
ول يقطع هالنمونه ويقطع سوسها
وانت خابرني الياقمت فعلي حدموس
قبل اجيب العيد ياخال في ملحوسها
ناس عبادت مصالح وعبادت افلوس
ماتلاقي كلمة الطيب في قاموسها
الزمن يجري والايام تعطينا دروس
درستنا سود الايام قبل ادروسها
من بعض ماشفت بالعين من كذب العسوس
خابت الهقوات في طيبها وعسوسها
بين اكاذيب النصارى وكاذيب المجوس
نصبها ومنافقتها وجل اطقوسها
عز ياراسي عسا كل ماقمت محروس
من عيون الحسد لاشافتك ونجوسها
داملي صدرٍعلى الطيب مبني قوس قوس
ماعلي من الهلايم وشين انفوسها
الشاعرحميد سليمان الرشيدي
الثالثه
الورده اللي ميته بين الاغصان
احييتها عقب الممات وجفتني
ورده وضعهاالوقت في بحرالاحزان
من حزنها من شوفها عذبتني
وردن سقيته من قبل كان عطشان
يوم اخضرن اوراقها فارقتني
نست غلاهااللي سكن وسط الاعيان
راحت عقب هاك الوفا وتركتني
راحت وخلتني علي درب نسيان
درب الجفاءوالهجر فيه اغرقتني
الله يسامحها على طول الازمان
لاونها عاى الوفاء ماشكرتني
جزاي منها صار صدن ونكران
ياليتها في غدرها علمتني
جزاالوفامنهااصبح القلب خسران
ماكنها في كفها صافحتني
ساءلت نفسي منهو اليوم غلطان
ونفسي بعد تساءلت وسالتني
عن حبها الي ضاع من دون عنوان
وعن الصدوف اللي بهواها رمتني
وبقى السؤال يدور مع مر ا لازمان
وين الذي بعد الموده جفتني
الشاعر حميد بن سليمان
تعليقات
إرسال تعليق