مشاركة الشاعر حميد سليمان المظيبري بمناسبة زواج الشيخ ورجل الاعمال محمد راشد بن عدوان المظيبري والشاعر عيد
حي الله الهاجس الي حرك افكاري
اللي على هامة الجزلات مضمونه
ساعة دعاني قصيدي جيته اجباري
وسترسل الهام جزل الشعروالحونه
جيت بقصيدٍ يشوش ويلفت انظاري
نوادرن من بنات الفكر موزونه
في حفلة عيال راشدواف الاشباري
اللي فعوله بطيب الذكر مقرونه
شيخٍ رحل مابقاالا الطيب والطاري
عقب اعيالن سنام الطيب يرقونه
اللي لهم في سنام الطيب مقداري
محمد وعيد والعالي يطولونه
يستاهلون اهل التقدير الاخياري
قول وفعل كل جزلٍ يستحقونه
جزل الشعرفي محمد طيبه ايماري
انشهد انه كفو ماهو يقولونه
في هامة المجد اله عنوان وشعاري
اللي بوقت الشدايد دوم يحمونه
رؤس العداوين لاجاءوقت الاخطاري
وقت الفعل لاحتماالماقف يحسمونه
من لابتن لا تعلوا قب الامهاري
الصعب بفعالهم دايم يحلونه
مضابره من إبان لحره الناري
وقت الفعل كل مجدن يستحلونه
اجبال عبس اهل الوقفات الاحراري
اللي ذرا العز وقت الفعل بركونه
تعليقات
إرسال تعليق