خلصت من بعض الصداقه والاصحاب
بعض الصداقه لعنبوها. صداقه
اليوم قررت ابتعد وقفل الباب.
وطوي ملفك ياضعيف العلاقه
بعض الصداقه منهاالقلب منصاب
من كثر طعنات الصديق ونفاقه.
لاجتك من بعض الرفاقه والاقراب
اكبر مصيبه لاخذلوك الرفاقه
ابعد وخله يكفي الجرح ماطاب
أخير من قرب المنافق فراقه.
البعد عز وكل شين له اسباب
والبيت ستره دايمن من رواقه
الله خلق لك بالزمن عنه مجناب
بابن يجيب الريح جود غلاقه.
خلك مع اللي بالوفا وقت الانشاب
اهل الوفا والطيب واهل الباقه
اللي الياجيته عن الطيب ماغاب
في لازمك ياقف بعز وثاقه.
صداقته سيفن يعزك له نصاب
اللي دروب المرجله له عشاقه.
رجلٍ بوقت الضيق يحسب له حساب
طيبه. يعزك والوفا. له. بطاقه.
تجيه متضايق ومشدودالاعصاب
وتروح من عنده. بطيب ورواقه
الطيب ماله درس مكتوب في كتاب
الطيب. بالانسان مخلوق طاقه
هذا وانا رجلن ولطيب كساب
افخر بطيب اهل الوفاوالصداقه
قلته ولاابغا طيب من بعض الاصحاب
اللي. على وجهين. ماله علاقه
تعليقات
إرسال تعليق