قصيده اهدا الى الاستاذ مناور خنفور المظيبري في مناسبة زواج اخيه عبدالله خنفور من كلمات الشاعرحميد سليمان بن رقيب المظيبري

سلام  ياهل  الطيب  والفعل  والجاه
ياهل الوفاء  والطيب  وهل  الشهامه

من شاعرن دايم على الجزل   معناه
الي على   الجزلات   دايم   نظامه  

يوم استوى جزل القصيد احتميناه
ساعة   دعانا   اللي   رفيعن مقامه
 
اللي على   شانه حضرنا و  جيناه
تقدير   لأهل     المرجله     والفهامه

في حفل ابن خنفور   جزله  حبكناه
يستاهل   اجزال    القصيد  وسامه

بسم ابوهاني طاب  شعري  ومبداه
الشعر في مناور يطيب  انسجامه

يطيب جزل الشعر في  مثل  شرواه  
في  اللي   عدون  لرداء   والرخامه  

الوافي  اللي  تفعل   الطيب  يمناه
اللي فرض   بين   الرجال  احترامه

في الشعرابارك  في مشده  ومبناه
لخوه  سيفه  في   الزمان  وحزامه

عبدالله الوافي  على الطيب ممشاه
اللي   للفعل   الطيب  رمز   وعلامه

من  الرجال  اهل   الفخر  والمسماه
اللي   لهم   في   قمة   المجد هامه 

رؤس  الرجال   اللي  تطوله   وترقاه 
خصيمهم    ماينهض انه    اعظامه

من  لابتن    يوم    الفعل    والملاقاه
عيال   مضبر    محتمين    الجهامه

وسامة     الكفه   عما  من   تحداه
عبس الفخر رمز   الوفاء   والزعامه

من دون  قاصربأهل  الفعل  والجاه   
كل   القبايل     فوق   ذروة  سنامه

صلو عدد   ماهل   مزن    ونثر ماه
ازكى  صلاتي   للنبي  في   ختامه