سر ياقلم واكتب من الشعر جزله
وخل الهزيله عند اهلها هزيله
بيني وبين مولف الكذب عزله
وبيني وبين اهل الحقايق جزيله
وجربت في دنياي طعله ونزله
اوردت هداج الروى والثميله
ونصيت بالشدات من ينعنزله
روؤس الرجال الي تشيل الثقيله
بطي عياضه عز من يرتكزله
سلالة العدوان راع الاصيله
ليامره المحتاج بكفه غرزله
عطية(ن)تبري الجروح العليله
وسم العدا كان المعادي برزله
وعز الرفاقه بالسنين المحيله
ماهو بخيلن شغلته جمع غزله
ماحصل بدنياه غير الفشيله
من جاه يبغا الفود بعذره لفزله
زود عناه بكلمتن مستحيله
وكلمت عفن وبخيل كلن نبزله
وكلمة نعم بالحق ماتستويله
ساس الردا يلحق على الحمل هزله
مثل البرص يلحق على العرق جيله
والطيب برجن فاز من ينتهزله
ضلعن زملج ماكر اهل الجميله
وساس الوفاء يلحق على الحمل جزله
الطيب ورث اهل العقول الثقيله
تعليقات
إرسال تعليق