ياهجوسي زان بدع القوافي والقصيد
بسرج خيول المعاني واشد اوزانها
بمدح اللي قدره بعيني كل ليله يزيد
بمثله يطيب الشعر وتفتخر قيفانها
المراجل كلها براس عبدالله عبيد
اشهد انه حافظ اسلومها واركانها
مايقصر بالقريب ولا يقصر بالبعيد
محزم لربعه وسند والاخوه صانها
يوم مات الخير والطيب في قلب البليد
بطيب فعله عز نفسه ويرفع شانها
شعبان اللي لهم صيت بالمجد التليد
الكرم والطيب والجود هم عنوانها
من سلايل لابتي عبس باليوم الوعيد
تقسم صفوف العدا لنهضت فرسانها
تعليقات
إرسال تعليق