من يوم جاناء العلم عبر القروبات
علمً مفاجاء حط بالقلب مضراب
أخذت من ضربته الي خمس ساعات
بين الخطر والموت والجسم منصاب
أفكرت بالدنياء بها حي واموات
وهذاء طريق الحق ماعنه مجناب
مرحوم ياعود الكرم والجزيلات
عوداً على علم الوفاء دوم كساب
راعي هلا ودلال وحيلً سمينات
ومكرم الضيفان ولـنار شباب
زيزوم حلال الامور الصعيبات
لاكبرت القالات يلقى لها باب
ويالله يالي عالياً بالسموات
عساه للجنه يارب الأرباب
سعد عتقاء
على الزين يا عمن توفى وذكره حي
عسى جنة الفردوس يادباس منزاله
عسى يوم طويت صفحتة في سجله طي
تقدم له بيمناه تقصر عن اشماله
كريمن صخين حي والله فاله حي
عن الطيب والمعروف ماقصرت احباله
صدوقن نصوحن ماذكر مرةِ مخطي
على احدن وهراج القفى ما توحاله
محمد عواد
تــرى البـقــاء لله و الأجـل مـامـور
والمـوت حـق و لا عـن المـوت صـده
يـاعيال عـمي و الله العـم مـذكور
بـاالـخيـر و المـعـروف كـلـن يـعده
ودين وشجاع وينكر الشتم والزور
مـن طـيب ابيه وطيبه وطـيب جده
وكـلـن يعرفه طيب الصيت والشور
مـزبن دخيل و حـزام وقت الاشده
ولـومات ذكره حـي والفعل مخبور
راع الـوفاء وماعادي الدين ضده
يالله عـسى مثواه في جنة الحور
و طـالـبكً يالله عـن عـذابك تـصده
ادعـيـك ياربـي عـسى مـنـزله نـور
يـاالــواحــد الـى كـل شـيئا بـيـده
وتــرى البـقــاء لله و الأجـل مـامـور
والمـوت حـق و لا عـن المـوت صـده
#كمين_بن_مدالله
مرحوم ياشيخً توفا وفقدناه
انشهدنه من خيار القبيلة
الطيب والنوماس تكسبه يمناه
عساه بالفردوس ولا الوسيله
عميد المعاني
مرحوم ياشيخن ندر في صفاته
لا والله الا يا جماعه فقدناه
لو هو رحل ماراح ترحل سواته
نقشن على صم الصخر حي مبداه
شيخن رحل بالخير تذكر حياته
يالله تغفر زلته مع خطاياه
سليم عويتق
أبشروا والله مع اللي صابرين
احسبوا للأجر وادعواللفقيد
أسألك يالله رب العالمين
تلهم أهله كلهم صبرا مزيد
رحمتك اللي جمع دنيا ودين
شيخناالمرحوم هباس الفقيد
يالله اكتب له رياض الصالحين
يالمميت المحيي المبدى المعيد
سيف ابانات محمد جبيلان
مرحوم يارعي الوفاء والموجيب
مرحوم ياريف المسير ومن جاه
في مجلسه تلقاء أقارب وجانيب
وكل العلوم الطيبه من مزياه
شيخن على النوماس حاضر ولايغيب
هباس ابوهابس عسا جنة الخلد مثواه
عبدالرحمن عايض
تعليقات
إرسال تعليق