موقع فياضة_الشاعر حميد سليمان الرشيدي
هكذاالدنيا تجارب ومسراها طويل
استفدت من التجارب وكثر انشابها
التجارب درسها كنبيالات وكفيل
ما عرفنا قصة البين لولا غرابها
وضحة لي رفقة الطيب يالقلب الهبيل
وعلمتني شدت الوقت وين اصحابها
بينت لي من رفيقي الياحان الخليل
لاضربتني شدت الوقت في مخلابها
رفقة الطيب معزه ونوماس وحصيل
الصعيبه لانخيته بوقته جابها
لانخيته ساعة الضيق والفعل الجزيل
وقفة مثل الجبل لاحتما حرابها
بيض الله وجه وقتي منه بان الهزيل
بينت لي بندق الفعل وسط جرابها
المواقف مالها غير كساب الجميل
ماهو اللي بالرخاء والسعه يغتابها
نادراللي لاقسى الوقت لك ظلن ظليل
انتبه ياجاهلن ماعرفت اصعابها
الشدايد تطلع الفرق ويبين البخيل
تطلع الاصحاب واللي خفى بثيابها
الردى فعله وراعيه بالدنياء ذليل
مثل من مر المدينه ولا صلابها
والجماله بين الاصحاب برهان ودليل
اتحفظها لحية الرجل قبل اشنابها
الرجل يعرف ثمنها وقفات الاصيل
واحدن يعرف ثمنها وقدر اصحابها
هكذا الدنيا تجارب ومسراها طويل
استفدت من التجارب وكثرانشابها
تعليقات
إرسال تعليق