مشاركة الشاعر سعد عتقاء بن مدالله المظيبري بحفل الشيخ مسعد بن جبيلان المظيبري بمناسبة زواج أبنائه عناد وفيحان
يالله يالي لك إعبادك مطيعين
نطلبك ياجزل العطاء والعطيه
حنا بعونك وانت ماغيرك معين
ياربنا رب البشر والبريه
من بعد ذكرك للقوافي براهين
نقيت من بحور القصائد نقيه
غبت بحر ما تبطه الا القويين
وانا سبحته بالعزوم القويه
أنقى من الجزلات مبطي وذاء الحين
وزن الذهب وتعادله بالوقيه
ونصيتها يم الرجال الوفيين
ونهدي هديتناء بلياء جزيه
من شان حفل اربوعناوالعزيزين
اهل الوفاء والطيب واهل الحميه
ولدعوتك ياعلي جيناء ملبين
شرواك يا عليان يلزم مجيه
شاعر ولك بالشعر معنى ودواوين
غزير بحرك بالبيوت الزكية
سماك بالحكمه طليق الحجاجين
دكتور شعر وله عندنا مقدريه
أولا اجهلك ياسيف الفخر ابو حدين
سيف الشعر والاحرف الابجديه
أوبسم مسعد والرجال الكريمين
أهل الكرم يوم المزاهب خليه
يامرحبا بسم الرجال المسمين
ذوي جبيلان العزوه الصيرميه
تحية (ن) بقصى العرب والموالين
على الشحم والعود والشاذليه
ربعه نصيفات الكرم والشجيعين
أحفاد عودا محتمن كل هيه
أومبروك للفرسان منى ملايين
والله يسعدهم بالحياه الهنئه
وابارك الفيحان أوجيناء مهنين
في رتبة اهل العز والعسكريه
ربعي أحماة الجيش روس السلاطين
أعيال مظبر محتمين الونيه
ذرى زبين او محتمين الميادين
ادخيلهم يامن بالرجال الذريه
أهم اهل الطولات سكان ابانيين
روس الرجال اونارهم نار حيه
يوم المغازي بالملقاء شجييعين
الرجل منهم يحتميله سريه
وبني رشيد مرجحين الموازين
وسامة الكفه بورك المطيه
يرجع حسبنا ونسبنا للا اصيلين
ومسجله في رابطة عالميه
في مصر والسودان وايمن فلسطين
والشام والخليج ونجد العذيه
أقولها وللعلم عندي براهين
في عصرنا الحاضر و الجاهليه
والنعم في كل اهل الخلق والدين
واخص فيها السنه الحنبليه
واحنا بوامر سيدي مستعدين
سلمان حزم وعز للا أعربيه
انموت من دون الملك والحرمين
دون الوطن والبيت ومسجد نبيه
ولايخون في بلاده غيرالرديين
اللي تبع شور المجوس الرديه
ويالله تلعن كل رمز الشياطين
ويلعنك ياداعش وذيك الخليه
ويالله يالي لك إعبادك امطيعين
نطلبك ياجزل العطاء والعطيه
تعليقات
إرسال تعليق