مشاركة الشاعر داهم بن عيد بن عايد ابن سعدون المظيبري (اسد عبس) بحفل الشاب مغيض عايض بن عدوان المظيبري
سلام ياهامت سنام المجد يالعز الرفيع
سلام يالعدوان واللي للحفل جاء ووحضر
سلام ياربعي هل ابانات يالحصن المنيع
سلام يافخري حزامي باللقاء يوم السطر
سلام يافكري و اناو الله عنها مااضيع
عن وقفة شعشع سناها نور مكسين فخر
وباللسان عايض مرحبابالفرد والا بالجميع
هذا ولد مغيض عايض من كبيرين القدر
واليوم اناعدواني اهلي ورحب بالجميع
جينا على الدعوى حمياماحسبنالسفر
في حفلة مغيض بن عايض فاحت الزهورالربيع
يامرحبا والقدر ياربعي كبيرن بالصدر
ومن بعدها ياهاجسي أمر ولك فكرن يطيع
هات المعاني للبيوت اللي تنومس من حضر
الكايده ميسره بالهاجس اللي يستطيع
من شان ابن عدوان واجب لا مطير ولامفر
مضابره ناطى الخطرنشري ولا يمكن نبيع
سم المنايا للعداء أن كان جاء هوش وقشر
يوم الخناق اللي عبوس السيف في يمنى الشجيع
ياكم عقيد من حوافر خيلنا مات بقهر
فوق الاصايل بالنهار اللي يشيب بالرضيع
أهل السيوف المرهفات اللي تفج مع النحر
بني رشيد أهل الطناخه والفعول اللي تريع
جمرة عرب ومفرقين الولف في يوم الظفر
أهل الكرم والطيب والمعروف والعلم السنيع
وأهل الصلاه مع الزكاة وأهل الثناء وأهل الشكر
حنا سلايل عبس والتاريخ وثق يالمذيع
والكفه اللي نقشها منحوت من فوق الصخر
وكل القبايل فعلهم محفوظ ولا يمكن يضيع
وانا ولد عبس الرشيدي مظيبري وابفتخر
واليوم في حكم الملك يأمروحنا له نطيع
على الشريعه وسنة محمدنبأ نطى الخطر
هذا وانا جدي خوي موحد قلوب الجميع
راع العلم والسيف والبيرق ياسعدون الظفر
وسلام ياهامت سنام المجد يالعز الرفيع
سلام يالعدوان ياقوم يشهد أبها الظهر
وصلواعلى المختار ماهل المطر وانبت ربيع
وإعداد ذرات الرمل وإعداد حبات المطر
تعليقات
إرسال تعليق