قصيدة (نصيحه وتوجيه) للشاعر الحكمه علي جبيلان المظيبري "موقع فياضة الرسمي"

للمستمع عندي نصيحه وتوجيه
                          نصيحة ن لهل القلوب اللبيببه
اسمع كلامن محكمات ن معانيه
                                مافيه لاشكه ولافيه ريببه
من واقعن شفته ومن شي ن اوحيه
                      اخذت درس من ادروس العجيبه
اوصيك بالتقوى ترى الدين راعيه
                            يكسب رضاء ربه وربه يثيبه
من اتقى ربه على الخير يهديه
                        ويحميه من نارن شديد ن لهيبه
اوامرها طعها وجنب نواهيه
                          والنفس والشيطان لاتقتديبه
وخمس الفروض الله ومرنا نصليه
                          راس النجاه ورحمة الله قريبه
عمود دينك يافتى لاتخليه
                          لولا العمود البيت وش يبتنيبه
وشهر الصيام الي فضيله لياليه
                 احرص على صيامه بنفس ن رحيبه
شهر الذكر سبحان من نزله فيه
                            على صدر راع الرساله حبيبه
والمال زكه وشكر لفضل معطيه
                         سبحان من يرزق عباده حسيبه
وذكر هل الحاجه ترى الوقت واطيه
                       الاجر في راع الظروف الصعيبه
والبيت حجه وجتهد في مساعيه
                             لاتشغلك دنياك عنه وتسيبه
العمر شاره والمقادير ترميه
                                 يجيلها ولا المنايا تجيبه
والوالدين الهم حقوق ومشاريه
                             اياك تنظرهم بعينن غضيبه
اليا قصر شوفه وثقلت خطاويه
                          خلك شبابه في ليالي مشيبه
والجار لاتبحث ورى سر خافيه
                        اكسب رضاه ولاتقرب حضيبه
الجار ثم الجار واجب تراعيه
                                اوصابه الي كلنا نقتديبه
وضيفك على ابساط الكرامه تحييه
                        لاجاك من بعد السفر والمغيبه
ترى الكريم الي يكرم عوانيه
                     مدهل ارجال ودايم ايفوح طيبه
وحفظ لسانك والرجل من مباديه
                              لاتلحق الغافل بنمه وغيبه
وحشم خويك والردي لاتخاويه
                       شي ن يحط بسمعتك وشتبيبه
من خالط الاجرب على الحول يعديه
                           ابعد عزيبك لا يخالط عزيبه
وحلم على الجاهل ترى الجهل يغويه
                      خلك حكيم وحكمة العقل هيبه
والزور والبهتان لاتدعي فيه
                   الصدق وجه الرجل والكذب غيبه
راع الظليمه ذمته تحت  رجليه
                        ضعيف دين ومردن الله نصيبه
والي لغير الله راسه يوطيه
                             يبا يشوف المهزله والغليبه
والوصل حق ورحمة العبد تنجيه
                         وقطيعة الارحام ذنب ومعيبه
والرجل سيفه بشدايد بنيخيه
                          هم سيفه الي باللقاء يعتزيبه
ولاصار مال الرجل فكرن يقديه
                         يضيع بين المخطيه والمصيبه
والمرجله رجم ن عسيرن مراقيه
                           تاصل لها ناسن وناسن تهيبه
والسلعه الي بالرباء باع شاريه
                            سلعة حرام ولاوراها كسيبه
ورجلن بلا فزعه لو المال بيديه
                          محروم لو تملا الملايين جيبه
الحنظله مره لو الغيث يسقيه
                             خلقه مرارتها ولاهي غريبه
ودار الوباء يستابي الي حواليه
                          لو جاز لك نبته ومنظر شعيبه
اعلمك من قبل تنزل ضواحيه
                        وليا عصيت الامر ماهي غصيبه
الحر يفهم والاشاره تكفيه
                         والجرح ماله غير وصفة طبيبه
تم الجواب ونذكر الله بتاليه
                            وصلوا على الي كلنا نقتديبه