يلي مشيتوا فياض العشب سياحي
دياركم كنها عندي سناويه
ربيع قلبي فريعن عشبها فاحي
ماطبها من صغار الناس رجليه
فيها الجوازي بوسط القفر دياحي
وفيها الزبيدي يحي القفر ياحيه
جبال ماهزها عاصوف الارياحي
غبار الاجؤا قصر من دونها شويه
يزين نسمة هواها بوقت الاصباحي
يسقي الشرايين باجواها الطبيعيه
ينتل قلبي لياغنيت يالاحي
براس عيطن سقتها ثعول وسميه
لياوقتها كل هم القلب ينزاحي
قفر المشاريف يعطي النفس روحيه
والصيد كله بذيك الروس متواحي
جل الجلم والوبر وطيور بريه
وشلالها عذب ماهو نقع الاملاحي
يشفي كبودن وسمها القيض عصريه
مع خوة اثين للحذرات ذباحي
ربعن على قطعت الفرجه رهاويه
شهب الحا قبل نور الصبح ينباحي
فنجالهم سيق مع تمره حساويه
مثل الذيابه عليهم خفة اجناحي
خويهم عن لاهوب القيض بالفيه
هو منوتي يالنشاما طوال الاشباحي
مدام الاجؤا هبايبها شماليه
تعليقات
إرسال تعليق