النعم في ربعي لياهبت عواصيف الضروف
ربعي هل الفزعات والمدات مافيهم بخيل
اسلالة والدي وابوه اهل النخاوي والسيوف
فقيرنا تندا كفوفه بالعطاء صبحن وليل
كلن يجود بمدته عند الاوازم ومعروف
لوكان دينه كبر ابان يرسي للحمل الثقيل
ربعي هل الجزلات والوقفات يانعم الكفوف
دايم مواقفهم تشرف شيخهم باعه طويل
والشيخ سنيد ليانادنا كلنا جينا صفوف
متكاتفين لكل واجب مانخاف الا الجليل
والي يخالف دربنا نعذره يكفيه الحسوف
والي يصافينا نرحبه عسى عمره طويل
كل المواجيب النبيله مكسب الرجل العروف
فرصة هل النوماس والي وده بكسب الجميل
وراع الكرم ربي عوينه عند مدات الكفوف
والاالبخيل يعيش بين الناس محقور وذليل
وكل الرجال اشكال في وقت الاوازم والصدوف
منهم رجالن تنطح القالات والحمل الثقيل
و رماحن بكبد الخصم لولعت نار الزروف
احفاد مدالله مرويت الشباري و الصقيل
ومن يشتكي ظيم اليالي نحمله فوق الكتوف
اطبوع اخذناها من الاجداد مزبنت الدخيل
ابيوت جداني مداهيل اليتاما والضيوف
يوم الظماءو الجوع يوم الناس هلكا بالمسيل
و الي ظلمنا جعل عينه للحبايب متشوف
الله يسلب نعمته ويصيح بالبيدا هبيل
وكم صحيبن بس ضحكة سن ومصافح كفوف
وكم صحيب لينخيته جاك في كل الحصيل
هو اجنبي بالاسم لاكن بالجزاله فيه نوف
وكم رفيقن بالرخاء بلهان شيال الثقيل
وبالشدايد خيب ضنون الرفاقه والضيوف
يشبه سراب الحزم لظميان من فوق الطويل
ولي كواه الوقت عارف ماقفه بين الصفوف
ليالفاه الي يبا منه المعونه والحصيل
وكل راع طيب جهده في حسانيه مخلوف
وكل راع طيب جهده في حسانيه مخلوف
محدن يغط النور قدره بين خلق الله جليل
ولي بذر حبه على سطح الصفاء بذره ذلوف
مايحصد الا النقص بين الناس نفعه مستحيل
والي بذر وسط الفياض المخصبه ماجاه خوف
يحصد المكسب قبل لايحصد الربح ويكيل
وختامها صلوا عدد ماهب ذعذاع العصوف
على الرسول الي شفيع الخلق باليوم المهيل
تعليقات
إرسال تعليق