من واقع التجربه وقتي عطاني وصاه
مريت في تجربة منها عرفت الكثير
تجارب الوقت يعطينا ادروس الحياه
العمر رحله ومشواره ظلاله قصير
لوكل شخصن يحصل بالزمن مابغاه
ان كان مانعرف امرارالزمن والهجير
سوا الذي كاتبه ربه من الله عطاه
ماله عن الي قسمه الله مفر ومطير
لكن ظروف الزمن تعطيك معنا الغناه
قناعة النفس في عيون الغني والفقير
جربت والتجربه ترسم لك الاتجاه
ترسم لك البعدوالواقع بحكم المصير
عرفت وين الصديق الي يعزك نباه
الي يثمن وفا الطيب وعنده ضمير
الي يقف معك في مر الزمان وغثاه
على يمينك حزامك بالنهار العسير
سيفن يعز الرفيق الي زمانه حداه
الي ينومسك لاحان الكلام الاخير
ماصك بابه عن الي في اليالي نصاه
الي فعوله لها بالوقت مجدن شهير
افعوله الشامخه تشهد عليها الرواه
في قمة المجد سطرله بفعله مسير
ابو علي مد كفه غيث لاهل ماه
يفداه من عاش عمره طول شبره قصير
محزم ظهر لاحتما الماقف وطيبه دعاه
هذا حزامي على الشدات دايم سفير
سفير مظبر لياعطاك الكلام احتماه
ابوعلي تاج راسي بالنهار الكبير
تعليقات
إرسال تعليق