قصيدة لشاعر موسى بن سرور بن بزاع المظيبري مهداه للشيخ خالد بن عايض بن هلال العمري "موقع فياضة الرسمي"
قصيدة ياكاسب الامداح الموجهه والمهداه لشيخ خالد بن عايض هلال العمري الحربي من الشاعر موسى بن سرور بزاع المظيبري راعي بلدة الناصفه في ابان الاحمر بالقصيم رقم القصيده (75)من عدد (47)بيت
ياكاسب الامداح شيخ الرجاجيل
عجل علي ابا اورد البير ماها
على رجاء ربي توكلت توكيل
رزاق خلقه والوحوش ابخلاها
مدام معي خزنه تجارة ومحاصيل
ابا اوصل الرحله إلى منتهاها
يابن ولد حرب اهل المجد والخيل
اصحابي الي عاليا مستواها
إن قلت ابا الفزعه لكم عز بالحيل
اصقور تنفع من بصوته نخاها
مجاذبك ابوك عقب المشاكيل
وقبل قصيده تعجب الي قراها
من شاعر حول على الشعر تحويل
والطيبه نصيب حظك لقاها
ترجمتها في رمز ذباحة الحيل
ساس الكرم عساي ندرك رضاها
وان زاد ما بيري حلو جاري السيل
قرطوع ماها قطرة من سماها
رايع طعم ماها قراح الشهاليل
يجول في بالي ياخالد غلاها
من أجلها خسايري بالمكاييل
تعدت المليون واكثر وراها
في بلدة ام اثمار نخل مهاديل
وانا لها نركض بغاية هواها
قرية وصف خفره زهتها الخلاخيل
ديرة اهلها عطرها وعقداها
مقر والدنا سلف طيب الجيل
طلق الحجاج الي بداره بناها
قرمن يرحب بالضيوف المقابيل
عوايده للضيف حاشي عشاها
هداج تيماء يحرز الجود ويشيل
من شجرة من عرق خير نماها
ديوان بيته ريحته عود والهيل
معشر رجال اللي حسينا لغاها
من جاء لابو موسى دلال وتعاليل
قهوة يمن من سوق صنعاء شراها
بريه ماجابها عفن وابخيل
غالن ثمنها للشكاله بغاها
كيف النشامى صبها بالفناجيل
شقرى تقل دم البرازي حلاها
في مجلس فيه الشيوخ الحلاحيل
ترثه بني عبس الفخر واقصراها
قصيرنا له عندنا قدر تجليل
شيم شهامه عنتر اللي مشاها
لاخاب بالجيره سبو هيس برميل
حناء سند عنوانها واصحباها
مظابره للجار ريفه بتظليل
في جارنا زي القبايل سواها
نحفظ حقوقه نكرمه ماشكاميل
تنعم حياته قربنا في رخاها
طبعا لنا مذهب شرف يشهد اهديل
نسل الفهود اللي تسر ازملاها
واللاش وارخوم الملاء والمخاييل
مازرتها سيبتها من رداها
قصرت رجلي عن خبول المهابيل
صبرت في دنيا اسفها واعملاها
وعلنت مدهشني خطا الثور ابو ذيل
مدري وش العله والاعرف بلاها
والعالم الله بالقلوب المعاليل
ومراض بعض الناس داخل حشاها
والطب للوسواس ذكر التهاليل
شفاء النفوس اللي صعيب دواها
واطلب من الرب الفرج والتساهيل
بقعاء قوافلها غدت بعقلاها
فرسان نطاحه وغاء صيحة الويل
اجدود شارات السعد في لحاها
من بعدهم صار العوض يالعواقيل
ناس تسود وجهها برفقاها
زال الحيا منها مع الدين يجبيل
وابليس والانذال ذيك اشركاها
مبغض والاخر شعوثي دوك تفصيل
زمره من اللي افسد الله ضناها
شله بشوف العين مثل الدرابيل
جمهورها كل الرزيل اصدقاها
والمنجي اللي نزل الحق تنزيل
يعتق هل التقوى اخوتي من وذاها
سعيت ابا اصلحهم وسد المداخيل
عصو وانا كبيتهم في عماها
مندوبهم صته وقع بالبهاذيل
في محكمه بت القضاء واريساها
لقاء المحقق كذبته بالتحاليل
سلطة حكومه مع نظام اوزراها
جعل رعد ناوة غيوم الهماليل
تزي ابان اعزاز سيل سقاها
على مداهيل اجمل النوق واشعيل
يزرع ربيع الارض يجلا جفاها
يرسل عليه الله خياله سرا ليل
على جبال الظلع وابله وطاها
يصبح شجره اخضر كما شاطي النيل
مزنا هطل واحيى الشجر من ظماها
مدة عطاء الموالى رجوع المخاييل
عشبه طلع بالقاع نبته غطاها
وافراح اهل ذود البكار المشاعيل
شعبة غنم والابل تبرك ضحاها
تعليقات
إرسال تعليق