الوجه شاب وشاب راسي مشابه
وﻻباقي اﻻ القلب يظهر به الشيب
والبيض قالن عود مابه طرابه
من عقب ماني عشقتن لرعابيب
وهاذا زمان الغطرسه والكئابه
مغربل الشجعان والصقر والذئب
فيه الفهد وابالحصين متشابه
وقتن يعذب صاحي الفكر تعذيب
صار الوضيع اليوم راس العصابه
ياصل ويقطع بين الاجواد ويعيب
ويسند عليه الراي في كل جابه
وسيطر على شمل النشاما شليهيب
وفي كل مكتب له صحيب ورقابه
متشاركين الخبث والشك والريب
اهل الحسد والحقد ضد القرابه
حطوا براع الحق كل العذاريب
ونصبوا على حقوق الاوادم رقابه
ودارت حروف الواو بين المناديب
والجم نش وحل عقبه سرابه
ويبست كبودن من ظماها معاطيب
وابا ارفع الشكوى لذيب الذيابه
شعيل ابو فواز راع التجاريب
حيثه خطيب ودارسن للخطابه
مايكوده المعنى بشتى الاساليب
لياشاف له راسن طويل(ن)رقابه
نفسه طموحه للاعلا والمراقيب
وكسب النعم والطيب دايم هبابه
يقطف من الاذواق حلوى النبانيب
ويشعيل جاك القاف بيضن ثيابه
ولاني مدور من وراها مكاسيب
ابغى مجاراتك ولاهي طلابه
ردك يشرفني بقاف الهناديب
والشعر فن وذوق عذبن شرابه
ليصار من مثلك يجيله شراريب
والشعر سيف المعركه والطلابه
تنطحبه الاخصام صدقن وتكذيب
راسن طويل(ن)كل ذيبن عوابه
ترقابه العشاق عسر اللهابيب
والشعر بحرن من سبح به دوابه
تلعب به الامواج بين الدواليب
تعليقات
إرسال تعليق