قصيدة موجهه لشاعر بدر بن فايز بن مدلج المطيري من الشاعر حسين بن سند بن مدالله المظيبري ورد الشاعر بدر فايز "موقع فياضة الرسمي"
قضيت جل العمر نازل ورحالي
وهجم علي المشيب وعكر الجوي
الشيب شفته غشاني وانبرا حالي
وشوفي قصر والعظام اونستها توي
لاوحسوفي على وقتن مضا غالي
اقفت اضعونه ولاعود مع الدوي
انشهد ان الشباب بكل الاحوالي
يقضي ديون الفتى ويولع الضوي
وانشهد ان المشيب يحطم الحالي
يسرق عزوم الفتى ويجاوب العوي
يبدر ابن فايز المدلج هوا بالي
خوة هل الطيب مثلك ببرح الجوي
ليابرد الجؤ نبغا صحصحن خالي
قفرن خلا من سحاب الوسم متروي
مشين معه يوم تسوا حزمة المالي
لو كان مافيه غير الداب متطوي
نسمة هبوبه تبعد ضيقة البالي
علاجن لقلبن من الضيقات متكوي
جتك الرساله على عنوانها التالي
لعل ذيك الهضاب لصادق النوي
رد الشاعر/بدر فايز بن مدلج المطيري
ياحسين الايام بين شموس وظلالي
يكفيك عشب الحياء بالقيظ متلوي
من عقب مانضرته تنعش هوا البالي
سود العواصيف تلوي اغصانه الحوي
والوقت مبني على المرات والحالي
من طال عمره يذوق الحلو والسوي
والشيب عز وقار الناس الابطالي
مايختفي لو تحط الكحل وتسوي
ويالله تختم لنا في زين الاعمالي
يرازق الذيب والقرناس والبوي
ويعاشق البر صار البر منزالي
لناسن تجيب الغثاء لخيامها تطوي
معاد باقي قفر يطيب الفالي
كلا(ن)على جيب للبران متهوي
لاكن نبا نجاوب الورقاء على الجالي
على زمان الوناسه ويش نبا نسوي
فية صباحن طوتها الشمس للجالي
طوي الزلول الجديده عند ابو لوي
وهاذي علومي نصنك دق وجلالي
والمعذره كان حرف القاف متثوي
تعليقات
إرسال تعليق