الله اكبر يازمان التغطرس والغرور
والله اني منك طايب ونفسي طايبه
مانحب الغطرسه بين طيات الظهور
الكبر لله ياهل النفوس الخايبه
لامتى وحنا كذا دام دنيانا عبور
النفوس من العبر كيف ماهي تايبه
من كثرصدمات الايام ضاقن الصدور
شابت اللحنا من الوقت مع عجايبه
اتعظ وسلك طريقن يجيب الك السرور
اسلك ادروب المواعض تراها صايبه
كم فقدنا كم بكينا علي اللي بالقبور
من حزن فرقاهم النفس باتت ذايبه
من غياب احبابناالقلب بالحزن مخفور
العيون من المقادير صارت شايبه
الحزن يبقى بالانفس على مرالعصور
كل ماتذكر شقاء الوقت مع مصايبه
من كثرصدمات الايام من قشرالشرور
النفوس يمرها الحزن في ركايبه
تعليقات
إرسال تعليق