قصيده مهداه لشيخ مصيلح بن صلحان بن بدوي المظيبري رئيس مركز المرموثة من الشاعر عادل بن منير ابن ذيخان المظيبري "موقع فياضة الرسمي "
سلام ياللي تدرك الطيب يمناك
ياللي على فعل الجمايل تربيت
يالنارد اللي كاملات مزياك
حييت يامصيلح على العز حييت
ابوك من صغرك على الطيب رباك
ومن جود يمناه الكريمه تقهويت
حيثه على فعل الجزيلات وصاك
وانشهد انك في وصاته توصيت
من طيب وقفاتك ومن طيب مجناك
شيدت في روس الطويلات لك بيت
مبني على حسن البصيرة والادراك
عانقت نجم الجدي وسهيل بالصيت
يابو عادل كل الرجاجيل تنصاك
واللي نصاك بلازمه ماتوانيت
تمسح دموع اللي من الظيق ينخاك
لك وقفه منها تهاب الخراتيت
جيتك وقلت أبشر وتسبقني خطاك
عجزت أميز فزعتك يوم فزيت
عجلان في علمك وعجلان ممشاك
فزعت شجاع يطلب الثأر في ميت
جعل الردى والاش يالقرم يفداك
راعي جمايل بالعرب ماترديت
اطلب من الله يبيض الوجه يحماك
ياللي على فعل الجمايل تربيت
تعليقات
إرسال تعليق