قالوا جديدك ياعلي ماسمعناه
قلت ابشروا وانا وشعري فداكم
الشعر لولا الفايده ماكتبناه
ماهو تسلي كرم الله لحاكم
اخترت من نهج النصايح ومبداه
اسلوب واضح منهجه ميخفاكم
وانا ماحب البهرجه والمضهاه
وعزكم يلي عزيزن نباكم
اخاطب الي باع دينه بدنياه
برسالتي وقول يسعد مساكم
دنياك ظلن واهج الشمس يقفاه
لابدها لو طال فيها مداكم
العمر يفنا والاجل عند مولاه
تاخذ من الدنيا قدر ماعطاكم
راع الطمع يركض ورى المال وغواه
لمع السراب الي مايقطع ظماكم
ماينفع الانسان ياغير تقواه
من سابق الاعمال يحسب جزاكم
لاتنخدع بالمال والصيت والجاه
اعمالكم تحسب ماهو مستواكم
احسب حساب الاخره لاتنساه
الي خذا الي قبلكم من وراكم
هذا جديدي واخر الي كتبناه
لعل مانكتب يحوز لرضاكم
تعليقات
إرسال تعليق