قصيده لشاعر سالم مهدي بن شمهليل المظيبري مهداه لصاحب المواقف النبيله الشيخ نواف بن نافع بن شمهليل المظيبري "موقع فياضة الرسمي"
سميت بسم الله قبل مبتدى القاف
وسويت من قافي بيوت جزيله
في مدح حراً ماكره راس مشراف
من ساس ربعاً يكسبون النفيله
حرا بحزات المواقيف ينشاف
اللي لاياقدم لحملاً يشيله
ياليت مع نواف تسعين نواف
من دون نقص في شيوخ القبيله
الشيخ ابن نافع رقى كل مشراف
نواف شيخاً معدلاً كل ميله
يدوس صعبات المواقيف ماخاف
له وقفتن تبرى الكبود العليله
سيفاً تنومس سلته كل سياف
سيفا من اعز السيوف الصقيله
جدوده شيوخاً على عصر الاسلاف
يوم المواجـه ترتكي لثقيله
جدك زماناً. فات لروس قصاف
من الرجال اهل الشبور الطويله
اهل الخيول الشقر وسيوفاً رهاف
يوم الملاقى يحتمون الدبيله
ترثت جدوداً تحمي كل ميقاف
فرسان من فوق المهار الاصيله
جدك شمهليل ان عدى كل حواف
يتوب الاخصام عن كل عيله
يالله لعله مايجي راسك اخلاف
يدوم راسك يامنجي دخيله
يادرعنا اللي ماله اشباه واصاف
من دون ربعك تدرك المستحيله
من راس ابن ذخان من ربعاً اشراف
اهل الكرم واهل الصفات النبيله
افعالهم تقرى بمجلات واصحاف
بفعولاً تداوى الكبود العليله
مظابره ومحققت كل الاهداف
لاولّع القداح راس الفتيله
الشاعر سالم بن مهدي بن شمهليل المظيبري
تعليقات
إرسال تعليق