البارحه سريتني مع مخاطرك
سريتني ياشعر وخذ المواثيق
ياشعري المطنوخ لاضاق شاعرك
سليت سيفك لابدن الطواريق
لاهاضت الافكارهاضت مشاعرك
وفكيت صندوق الهجوس المغاليق
عطني اجزالك لادعتني منابرك
لاسقت فنجال الوفاء للمطاليق
ارقا سما دام الشجاعه معابرك
لاتلتفت للعلوم بعض المخاليق
دام الشجاعه والجزاله مفاخرك
اشهر كما حرن يتل المسابيق
في مثل هالماقف الياحان ذاخرك
من شان خالي فك جزل الصناديق
بسمه تساما في ضيوفه مصادرك
من صادق احساس الوفا والمعاليق
الطيب ساسك والمعالي مواكرك
امجاد جدك كل الجبال الشواهيق
جدك حما واد الغرس تاج حاضرك
موثقه في صفحة المجد توثيق
مبروك ياشبلن على الطيب ناظرك
ياللي خذيت المرجله لك عشاشيق
سراب جعل العز دايم مخاشرك
عساحياتك بالهنى والتوافيق
ماخاب من سماك تشهد نوادرك
ماهو مجرد شعر ولا تلافيق
تعليقات
إرسال تعليق