قصيده بمناسبة حفل زواج الشاب صالح مخلف المظيبري ابن الشاعر القدير مخلف صالح المظيبري لشاعرحميد سليمان بن رقيب المظيبري
سلام من هاجسٍ صافح شموخ القصيد
يوم استوى والله اني بالفعل قده
يوم الشعر حرك الهامه وطلعه بعيد
شعرٍ يسولف شموخه للبحر مده
سليت سيفه من بنوك الوفاء والرصيد
في راعي الاوله جيت اوصله حده
يوم اعتلى هاجسه ويقول هل من مزيد
في ماقفن يشهد التاريخ ويعده
ابحرت في عالم ابحورالقصيد الفريد
من الحفر عانق امجاده بحر جده
من دون دعوة هل المعروف والله محيد
اهل الوفاء والوفاء من طبعنا رده
الشاعر الي بجزل الشعر راسه عنيد
الطيب ورثن لبوه اللي علي جده
اللي خذا الاوله بالفعل هذا الاكيد
مخلف حزام الشدايد ساعة الشده
طيبه جراءمثل مجراءالدم وسط الوريد
رد الثناء لادعاك في ساعته بده
في حفله الطيب واجب كان تبغاالمفيد
بالشعر اشارك وبارك بالوفاء نده
مبروك ياصالح وياجعل عمرك سعيد
عسا السعاده معك بالعمر ممتده
اعيال مظبرولدهم في الشدايد يزيد
الصعب رجالهم ياطا على خده
ناسن لهم بالفعل والمجد باسن شديد
تاريهم في سنام المجد من قده
عون وحزام الذي بالوقت ماله عضيد
اللي صدوف الليالي وقفت ضده
اهل السطر والمواقف عزوة ابناء رشيد
اللابه اللي تعوق الخصم وتصده
اللابه اللي لهم بالمجد راين سديد
وقفاتهم يشهد التاريخ ويعده
وختامهادون قاصرفي ختام القصيد
بكل القبايل وفعل السيف من حده
تعليقات
إرسال تعليق