قصيدة لشاعر عطالله بن نجر المظيبري "موقع فياضة الرسمي"

الحظ مره يزين ومره يعاكس
                       لازان مره تعثر له مية مره
مدري متى يستريح ويركد الهاجس
                ولادري متى تصفي الايام وتبره
لا يازمن ماعرفنا وجهك العاكس
                  ليا متى وانت تاخذنا على غره
ليا ادبرت تتعبك وتضيع الواهس
                وان اقبلت خاطرك تبهجه وتسره
ماروض الخيل غير الشاطر  الفارس
                       اللي نهار المعارك يتقن الكره
خله خويك على رد الوفاء دارس
                      مايختلف بالزمان ببرده وحره
ماتنفع الشجرة اللي عرقها يابس
                     ماعندها غير بيت النمل والذره

Posted via Blogaway