قالو منين وقلت من ضلع ابانين
ابان دارلي وتبقى للاحفاد
ابان الاسمر والحمر بين قوسين
هاذيك مسقط راسي ودار الاجداد
داري ودار مرجحين الموازين
مظابره من ربع عنتر وشداد
فيناء الكرم والطيب وايضاء وفيين
وللجار ريف ونافي بكل ميعاد
والضيف نذبحله اسمانن من الضين
يشهد علينا الله وللنور شهاد
ودخيلنا يسلم من الهم والدين
ويرقد بمان ويهتني كبد الزاد
وهاك الزمان الجاهلي والجهل شين
انزاد شر المعركه شرنا ازداد
ونخوض في صم الرمك للميادين
برمح والشلفاء ومصاقيلن احداد
ومن سد مارب لين قلعه فلسطين
ونعم في كل القبايل والاجواد
يستاهلون النعم كل المسلمين
الي على السنه وللله عباد
والله يدوم النا الامن قولو امين
ومن لاقتنع يرضى لياشاف بغداد
والشام راحت من صواريخ بوتين
والفرس ترسله رجاجيل وعتاد
وصلاة ربي عد مابان ويبين
على الرسول الهاشمي ماله اعداد
تعليقات
إرسال تعليق