يامعالم ديرة ابان يالمجد المديد
ياشموخن طاول الجدي من فوق السحاب
يامفاخر منسبي كل ماحان القصيد
ان بدالي لازمه وان فتح للشعر باب
ويامداهيل الدهاه وصناديد العتيد
يا أشدة مربط الخيل وسيوف الحراب
فيك تنساب القصايد وينساب الفريد
في سماء الامجاد تلمع مثل لمع الشهاب
وياسلايل سبعة مظيبر بماضن بعيد
ياصقورن مارضت دون ماكرها الهضاب
يامذللة العدا يامخضعت العنيد
ياسباعن تارد الموت ميراد الذياب
يامظابرة الظفر ياسطا الباس الشديد
يامتونن تدحم القوم واكبار الجناب
ياسلايل لابتي عبس نسل ابنا رشيد
ياحقايق ماضين كيف غيرها الكتاب
العدو لا اصغاية الحق شيطانن مريد
والله انّه بدل الصدق في زيف الكذاب
من بغى العدوان تشهد يبشر بالجحيد
مخبل اللي من عدوه بغى صدق الجواب
مير ينقص غيض الاحقاد ياعبس او يزيد
خازمين اقلوبهم بالحقايق والصواب
من تورث منزلة عبس بالوقت الجديد
ومن نحت بالصخر كفه على فخذ الركاب
المنازل والاصايل من اعصور الوليد
والمغازي والوسايم على وقت النهاب
كلها تنبيك بالحق يالعقل الرشيد
لين روح زيف الاعدا مراويح السراب
تعليقات
إرسال تعليق