وصلو فوزان مني تحية واعتبار
يوم ساقته الحمياء وشمر بالكموم
والتفت هاجسه صوب الحقايق واستدار
وابتدى سرد الحقايق مهي شهب العلوم
افتخر في لابتي والي فيه الافتخار
فعلنا ماهو قبل عام ولا قبل يوم
من عصور اجدادنا الفعل ماهو مستعار
من عهد عنتر مخذناه في حب الخشوم
بالسيوف وبالمشوك على قب المهار
مرتكين لخصمنا بالدفاع وبالهجوم
نارد حياض المنايا منحسب للعمار
ونشتري في سوقها يوم محدٍ به يسوم
نعشق العليا ونحب الفخر والانتصار
ومنزلتنا عاليه بالسماء فوق النجوم
واضح التاريخ شارق كماشمس النهار
الحقيقه شمسها ماتغطيها الغيوم
ماعلينا من هل الجهل وعقولٍ صغار
نرتقي عن ساقط الهرج ونعف ونشوم
ماجهلنا الدين والدين مادونه ستار
ولاجهلنا بالعقيده ولنغر السلوم
وبيض الله وجه فوزان مربح بأختصار
يوم شاش وصاغ الابيات في وقت اللزوم
بن حمد فارس ولابه على فعله غبار
من هل السيف وهل البندقيه والسهوم
ووصلو فوزان مربح تحيه واعتبار
وكل بيت من القصيده مصدق ومختوم
تعليقات
إرسال تعليق