لي حول سبع سنين وايضا. فوقها تسعة شهور
وان كان مهي اكثر يمين بخالقي ماهي اقل
اجلس بوسط الناس كني دون احاسيس وشعور
واقوم وامشي لا إرادياً تقول بلا عقل
لاتحسبون انه كبر لتفكرون انه غرور
ولا يجي في بالكم والاعتقاد انه جهل
لاوالله الامن عناء وقتي عسى ماهي دبور
ريق الصبر ناشف وكل ارضه. تقفاها المحل
ومن شوف عيني مابسطح الارض واللي بالقبور
هذا على الدنياء وهذا وادع الدنيا ورحل
ومن مابوسط الصدر من بعض السوالف والامور
يكضها مايبغي عتاب القرايب. والزعل
وعن شرهة الاصحاب واللي بيته بعز معمور
وعن لوم راح الطيب وصحاب الشهامه والفضل
وعن هرجة اللي بالقفاء وضيفته طعن الضهور
يركض ورى النمات والغيبه يحسب انه بطل
نمونتن تكرم هل الاشناب عنها تقل. فور
خذبالنجاسه فار واما الريح خذ ثوم وبصل
خلف السوالف راكبٍ. فوق المطيه دون كور
والياء كشفته قال كل الهرج هذا ماحصل
جاحد حقود ضعيف خلف العالم ايلف ويدور
ماتقل يدري بالحساب اللي يجي بعد الاجل
والجهل ظلماء ليل ياهل العرف يوم العلم نور
وكلٍ يبي يجازيه رب البيت من جنس العمل
واسلم وسلملي على اصحاب الوفاء وساع الصدور
صحيح متزول الجبله لوهو ايزول الجبل
اللي تعذرلي على وضح النقاء قلت معذور
لان العذر لاجاء من الطيب مثل لعق العسل
وياللله ياقابل دعاء الانسان وبنادم صبور
انك تساعدني وتجعلني من اصحاب العدل
ورحمتك يارب الملاء ثبتي بيوم النشور
يوم ان خلقك ذا يطيح وذا يحبي وهذا عجل
وصلاة ربي عد ماتكفخ جناحين الطيور
على الرسول الهادي المختار هو خير الرسل
تعليقات
إرسال تعليق