ان كان ماعلمتنا هالسنين الطوال
ماالله خلف هالسنين ولا تجاريبها
بضرب لك ابسط مثل لنفس عزومثال
كرامت النفس عزتها بشانيبها
كثر التجارب تفيد الرجل في كل حال
اللي يدوس الدروب الياعوى ذيبها
بعض العرب لانصيته شال حملك وقال
ابشر بعزك وهو بالفعل يحريبها
وبعض العرب لانصيته قال بكره تعال
تحتار فيه الهقاوي في مضاريبها
في كل الاحوال حط الكل شي احتمال
حتى تبين الصداقه وين اصاحيبها
اللي معك في الشدايدوالحمول الثقال
لاحدك الوقت في حزت مطاليبها
قال المثل مايشيل الحمل غير الجمال
مثال يعطيك من واقع تجاريبها
الشاعر حميد سليمان الرشيدي
تعليقات
إرسال تعليق