الجيب كم لي عجزت أصله ولاطوله
صعبن على مثلي المديون واشكاله
ياوجد حالي عليه وشوف مرسوله
وجود من شاف حلمه بس ماناله
حلمٍ جميع المناوي فيه مقتوله
صحيح حلم الفقير يموت ماطاله
كم غايتن في نفوس الخلق مجهوله
اثره صحيح ان عز الرجل برياله
جميع الابواب هذا الوقت مقفوله
وقتٍ علي الرجل شان وميل عقاله
غرايب الوقت هذا كثرت اخبوله
العور والعمي رجليه وخياله
وقتن به نفوس محتاله ومغسوله
ناسن تمثل عليك ادوار حياله
تحتار باسلوبها بالحيل معسوله
تضحك على المجتمع بفكار محتاله
ضاق الزمن من عناه وضاعت احلوله
الوضع سئٍ ويوسف له ويرثاله
وكلن على قد عرفه يسرج خيوله
ومن يجهل العلم لا يرسل ولا ارساله
مجاراة الشاعر/عبدالمجيد بن رقيب المظيبري
الجيب كم لي عجزت اصله ولاطوله
صعبن على مثلي المديون وأشكاله
ايقوله حميد وانا مثله أقوله
انشهد انه صحيح بكل ماقاله
شاعر وله بالمراجل صوله وجوله
رفيق دربي رفيع الشان منزاله
وانا اتمناه لكن ماني ابحوله
غالي بقلبي لكنه غالين ماله
جميع الأحلام دونه عنه مشغوله
حلمن تبدد وفآل الله ولا فاله
الي يمده كفو من يده مقبوله
ماهي غريبه عليه الطيب وامثاله
أليا فزع فزعته تثبت له افعوله
يفخر بها ربعه ويفخر بها اعياله
ولا الردي مانبي فعله ولا قوله
ماهو بكفوٍ عليه الطيب وافعاله
والوقت هذا علينا كثره احموله
الناس للعلم الاقشر دوم نقاله
والوقت هذه به الأفكار مذهوله
ماعت افرق هماج الماء من ازلاله
شف كلمه الحق عندالبعض مجهوله
يقطعك ياوقت قلت نسبه ارجاله
تعليقات
إرسال تعليق