قصيده لشاعرحميد سليمان الرشيدي مهداه الى المهندس / احمد دهيم بن نهار المظيبري الذي يستحق وسام شعري
(( سفير الطيب ))
بديت بسم اللي فرض خمس الاركان
اللي جميع الملك في قبضةً ايديه
من بعد ذكره حان وقت الشعرحان
جيت انظمه بخلاص شعرالوفا اهديه
يوم احتواني صادق الشعر وجدان
الشعر في مثله فخوره قوافيه
سلام ياللي للمواجيب عنوان
ياطيبن طيبه من اصله واهاليه
احمد دهيم اللي على الطيب لاهان
ولد ادهيم اللي حميده مساعيه
إفعول جده شامخه كنها أبان
نهار ابن غالي على المجد طاريه
من ساس مظبر من طويلين الايمان
ناسن لهم تاريخ يشهد لماضيه
من طيب ساسك صرت لطيب مسكان
الطيب دايم صاحبله مخاويه
مواقفك رمز الوفاء فوق مابان
اللي مزايا الطيب بالفعل حاويه
عز الرفيق اللي من الوقت بحلان
عون الرفيق اللي غثا الوقت حاديه
فوق البسيطه يشهد الطيب عرفان
طيبك شهدلك فوق قمة اراضيه
ميزان طيبك راجح بكل ميزان
ماهو غريب الطيب لاصرت راعيه
فعلك شمخ في كل موقف وميدان
المجد كله واقعه يقترن فيه
الشعر له فارس وللخيل فرسان
والطيب كايد وانت ترقا مراقيه
ماخاب من جالك من الوقت زعلان
اللي على رب الخلايق مشاكيه
احمد سفير الطيب دايم ابليهان
يالله عسى مثله طويله لياليه
تم الكلام اللي مغلف بقيفان
جزل القصيد اللي فخوره قوافيه
تعليقات
إرسال تعليق