قال من صاغ القوافي من إحساس وشعور
عادته جزل الفرايد ليا جا دورها
من هجوس الشاعر اللي لها فالوقت دور
في ميادين الجزاله تغوص بحورها
في مواقيف الشرف ياخلف منت امعذور
دام عذبات المعاني تدور سيورها
ياسلامي عد مالف دولاب الشهور
ردة تضوي ويضفي عليكم نورها
ردة تفتح جميع المعابر والجسور
في حلال اللي تقول وتطول شبورها
لأجل ميزان الصداقة بنينا كل سور
ولأجل ميثاق الأخوة نثبت كورها
دام لي وجه بسوق النشاما مايبور
ماتعذرها ونفسي حسب مقدورها
عند ابوعايض وربعه بني عبس الظفور
لابة تفتح لك العين قبل صدورها
بالشجاعه والوفا قلبها دايم جسور
وعند حزات الشدايد تبين صقورها
عزوة ترقى المراقيب والخصم معثور
ومن قمز فنحورها حولت بقبورها
العزوم كبار ماعاشت بعزم فتور
وبالمراجل كلها شامخات اقصورها
ياحميد ياعسى ايامك افراح وسرور
وياعسى نفسك تعيش ويدوم سرورها
ياعسى مبروك نرفع بها الصوت الجهور
الف مبروك وتحيه تفوح عطورها
الولد عايض سمي على اسود ونمور
والفخر تزهاه اسود العرب ونمورها
مثل عايض موقفه وافي مابه قصور
اكتمل عقد الجماله وزان حضورها
ياعسى بيت على العز شامخ ومعمور
عزته تبقى وتبقى الثعل فجحورها
وجعل رجل فالمواجيب دمه مايفور
تحذفه بقعا الفلس تحت ماقع زورها
قلتها وانا من امطير والمجد مخبور
تفرك خشوم العدا لاشتغل ماطورها
نكسب الطيب المثنى على مر العصور
والمعالي كاربين شداد ظهورها
لاومت العذرى وصاح المصيح للنذور
طبحت بنت العبيه قدم طابورها
والمشاعر ترجمت مانكنه فالصدور
واعرضت وضح المشاعر على دكتورها
والمطيري يوم غنا من إحساس وشعور
يبدع حروف الجزاله ليا جا دورها
تعليقات
إرسال تعليق