قالوا عﻻمك قلت مدري عﻻما
قامت تصفقني بهاذيل اﻻيام
جاوبت انا الورقاء خلوج الحماما
وبنيت من همي عمارات وخيام
جاني خبر محزن يقص العظاما
قالوا خويك ودعك مثل صدام
جري ابن بزاع ريف الحشاما
مرحوم ياشيخ (ن) على الطيب مقدام
ياما سرحنا في نهار وظﻻما
وصرنا على الطرقه مشافيق وحيام
فوق الجيوب الي تشوق النشاما
وقنا على قفر(ن) من الصيد منظام
وﻻخير في دنيا الفنى والحطاما
تطوى صحايفنا مثل طويت الخام
والعمر مابين الخطر والسﻻما
يقرب شوي شوي ويلبس الخام
ياما فقدنا من رفيع المقاما
في يومنا الحاضر وفي ماض الايام
اقفوا عساهم بالجنان الكراما
في جنة الفردوس ميعاد اﻻكرام
في رحمة الله بين برد وسﻻما
يلقون كل الخير والعز قدام
تعليقات
إرسال تعليق