ياقبر ودعتك وودعت راعيك
ودعتك الي مايضيع وديعة
مشيت من عندك وعيني تراعيك
عليك عبرات الموادع سريعة
ماودي ابعد ياقبر عن ضواحيك
حيث أن فيك الي رحيله فجيعة
عساك ياقبرن نزل صاحبي فيك
روضة من أرياض الجنان الوسيعة
راضي بحكم الله ولافيه تشكيك
امنت بالمعبود ومره نطيعة
مرحوم يالي كل ماحل طاريك
بالخير يذكر والمكارم صنيعة
طلق الحجاج اليا لفيته يحييك
قولت هلا من طيب ساسه طبيعة
ياخال لو عني تقافت لياليك
مكانتك في وسط صدري رفيعة
أي والله أبكي ياسعد ليش مابكيك
وانت الفقيد الي غيابه هزيعة
الله يزين عند ربك مساعيك
تنعم بجنات النعيم الوسيعة.
تعليقات
إرسال تعليق