شعرن كما نقش الصخر يوم ينقال
وشعرن على الماء مانفع ناقشينه
ابيوت شعري في مواقيفي اثقال
ومن فوق موج البحر قدت السفينه
ايشوش راسي وارفع بيدي اعقال
في مدح من كل العرب مادحينه
عايض اله في قمة العز منزال
راع الوفاء راع العلوم الثمينه
رجال ﻻكن عن ثمانين رجال
وياكثر ناس ن بالزمن حاسدينه
لو زاد حمل اشعيل للحمل شيال
ويدحم زمانه بالجنوب المتينه
يومن غيره صار خادم للموال
ايمين حاتم نافستها يمينه
ابن رقيب معرب العم والخال
عبسي رفع راسه بسلمه ودينه
وعاشت بلاد المملكه حصن واظلال
بقيادة اسدآ ذايدن عن عرينه
سلمان سلمان الحزم قايد اشبال
عدوهم باءذن الله مروضينه
خدام ابيوت الله جزلين اﻻفعال
ال السعود المصطفى طايعينه
تعليقات
إرسال تعليق