قصيده الشاعر سالم بن هباس بن مدالله المظيبري
مني لابو مصلح تحيات عجلات
راعي الوفاء والطيب رجل المروه
باغلا الرسايل سقت انا جزل الابيات
ونقيت غاليها ال حضرت سموه
عنزتهن للمقلط الكيف بذات
يوسف ولد مصلح اليا شب ضوه
يجذب سناه طروش والضيف مافات
تشهد له رجالن كفو والاخوه
واخذ مع الطاروق سرحه وسجات
لا صك مزن الغيث واظلم بجوه
يطري علي فجوج نجد العذيات
في خايعن تطرب الليا شفت دوه
مع خوت اللي له مع الوقت وقفات
يدله اليا قلت اخر الليل توه
شرواك يايوسف زبون المهمات
يارد عدود ويرتوي من دلوه
يرقا سنود ويعتلي بالطويلات
في ماكر احرار ن هجرها عدوه
وصلاة ربي عد الاحرف والايات
على الرسول اعداد مزنه ونوه
( الشاعر سالم هباس)
و رد الشاعر يوسف مصلح غوينم
يامرحبا وعداد وبل الرويات
سحايبن تنبت من القاع حوه
ويامرحبا باللي له الطيب شارات
راعي الوفاء سالم بقلبه حموه
يعيش ابن هباس رجل الصعيبات
يالله ياربي على الخير قوه
ارسلي بيوت القصيده حسينات
مصيونتن عن كل عيب وتشوه
جده خذا يوم الحرايب بطولات
مدالله اللي مايغلبه عدوه
ابا اطلب المعبود رب السماوات
يحفظ لنا رجلن بسن الفتوه
وده يدله خاطره بعض الاوقات
في خايعن من كثر عشبه تموه
باذن الولي ماهي من المستحيلات
واللي تبيه ويشرح البال سوه
(الشاعر يوسف مصلح غوينم)
تعليقات
إرسال تعليق