قصيده الشاعر /عطالله نجر بن مدالله المظييري
بديت القصيده والقصيده لها مفتاح
وبختار من الجزل المعاني وبنظمها
وبمشي مع فياضن بها خاطري ينساح
وبنسى همومن داخل الصدر كاتمها
انا هاضني برق الوسم يوم شفته لاح
لامنه سطع في غر الامزان يقسمها
انا لي ثلاث سنين قلبي مهو مرتاح
ورجلي مع ادروب اهل الطيب مفحمها
ادور على الجزله ولاني كثير صياح
وعسف الصعايب لين تعلن هزايمها
طريقي مشيته والمعرفه لنا مصباح
ونا من رجالن ما تراخا محازمها
وترا لو يطول الوقت سدي مهو ممباح
علومي عن الزلات بالصبر حازمها
حسبت الخساير قبل ما احسب الارباح
ونفسي عن اللي يغضب الله فاطمها
الا يا بحر ما جيتك الا ونا سباح
اضن الهموم المبطيات نتقاسمها
ا
ا
تعليقات
إرسال تعليق