قصيدة لشاعر /سالم بن هباس بن مدالله المظيبري
ياللي رميت وصبت الاهداف واخطيت
ماكل سهم ن يخطى الاهداف يخطيك
احسب ال يومن فيه بالقبر حليت
ولاحدن بشايل جثتك غير اهاليك
لامر يومن فيه قالو توفيت
اما دعولك لين تكثر حسانيك
ولا لحقك اللوم من شين ماابديت
زودن على سوء العمل زاد شانيك
واحسب ال ساعاتن تردد بها ليت
تشتم بنفسك لين عضيت اشافيك
امسك اللسانك منك عافو ومليت
يدمح خطاك وبان قاصي خوافيك
ذرثار في هرج السماجه تماديت
وسط المجالس كان مارحبو فيك
ياللي وردت العد صدرت مااسقيت
دلوك خريق وماه ماهو بمسقيك
مير انهزم وارتاح في فيت البيت
نوخ ركابك لا تقطع سوانيك
وكل طويل ذراع وارد وله صيت
يرفع نظرك اليا تردت هقاويك
وان كان تفهم ماقريت وتوحيت
عينك على درب السنع هي تقديك
احذر ال زلات الحكي لا تحاكيت
وان كان ماحاكوك تلقاء محاكيك
ولا على ماقيل للمقيط هفيت
هف الرشاء بالبير مع قبضت ايديك
(الشاعر سالم هباس بن مدالله)
تعليقات
إرسال تعليق