الا يا رياح الصيــــف باول لــيال الصيــف
ذعاذيعــــك تذكـــرني ليالن مـــضــت لـيـــه
ليالن مضت راحت ومرت مـــــرور الطـيف
عزيزه على نفسي وﻻهــي بمنسيـــه
مع الصاحب اللي له سنه غــايبن ماشيـف
ولا أدري حــداه الــوقت او غـــير الــنــيه
وليـــفن غيـــابه سل وسط الحنايــا ســيف
يحز الضـــماير كـــل صبـــحن وعـصريـــه
لذيذ الكرا مـــن مــوق الاعيان فر معيـــف
بعد مــالـــفــا طيـــفه بصـــــوره رمـــاديـــه
تحدر عليه الدمع غصبن مـهــــو بالكـــيف
اذا جــيــت أكـــفـه غــرق الخــــد و يديـــه
عليه أتحدى الورق بالـنـــوح والتحســيف
وعليه الفـــكر مشغول والحــــــال مــبريـه
أهــــــوم اتنشد مير خايف من أهل الزيف
تـــــولف علينا أعلـــوم كــذبن خـــيــالـيـه
وتجرح أشعور اللي غرامه عفيف نظيف
غزالن عــليــه الكــبــد بالـــحيــل مشويه
عليه الله أكبر سابني والزمان مـــهـيـف
وجبرني بكشف أوراق كانت أخصوصيه
امانه دخيك يارياح المــساء والصـــيـف
لا تطرين هـــذا الــسر تكفـــين موليــــه
تعليقات
إرسال تعليق